---

Geschrieben von Eveline am 01.09.2007 um 21:39:

  UT Schweiz | Samstig | Luzern

Also, ich Thread i de Quasselecke sind ja offesichtlich relativ vill us Züri und es paar hend Interesse am ne UT.

Min Favorit wäri nächsts Weekend, z.B. bim Polopark Züri, det sött nämlich wieder es Spiel si.
Es git es Spiel am Samstig und eis am Sunntig, so wie ich das verstandä han

Freu mich uf Antwort

---

Geschrieben von .jinx am 01.09.2007 um 21:41:

 

Isch chli churzfrischtig und ich han kei Ahnig wo das isch xD Aber wenn mich irgendöpper am Bahnhof würd abhole xD

Am 23. September hettis in Dielsdorf wieder Rännä. Das hani scho mal vorgschlage ^^

Aso mir isches eigetli relativ gliich ^^

---

Geschrieben von %Pferdefan% am 01.09.2007 um 21:42:

  RE: UT Schweiz | Winti?

Hey. I würd o extrem gärn a nes userträffe cho, allerdings nid z wit wär vo mir. kt. bärn wär okay.
ja, tönt guet, aber nächts wucheänd chönnt i nid... :S

---

Geschrieben von Eveline am 01.09.2007 um 22:14:

 

De Polopark isch grad näbä Winti, also echt nöd wit vo de City

---

Geschrieben von Luthien am 01.09.2007 um 22:50:

 

I ha äs GA - i fahrä überall härä

Aber ä viu wichtigeri Frag - wiviu choschtet ä setigä gspass?

---

Geschrieben von Eveline am 01.09.2007 um 22:53:

 

Ich glaub nüt... Und wenn, de Veloweg isch grad a de Bande, vo det gseht mer au guet^^

---

Geschrieben von Luthien am 01.09.2007 um 22:55:

 

super, dämfall chumi, weni zyt ha...

Aber beweget no chly meh lüt drzue, z cho

---

Geschrieben von Eveline am 01.09.2007 um 22:58:

 

Jo, ich probiers

Um weli Zit es isch weiss ich nöd, aber t Infos sötet no cho, und susch lüt ich mal det a oder so

---

Geschrieben von Evermoore am 02.09.2007 um 00:29:

 

Ich hett scho interesse aber nägscht wuchenend bini voll usbuecht

---

Geschrieben von YellowMonster am 02.09.2007 um 00:46:

 

Interässe hätti au. Aber be am Samschtig z'Avenches à d Europa Meischterschafte ond am Sontig fasch secher z'Aarau oder nomol z'Avenches.

---

Geschrieben von Evermoore am 02.09.2007 um 00:55:

 

Avenches das isch geil

---

Geschrieben von YellowMonster am 02.09.2007 um 11:17:

 

Jo scho aber ohni Auto echli müehsam zom erreiche. Aber do muessi am Samschtig oder sogar am Fritig eifach hähne, wöllmer die Diszipline (TREC) sosch eh niene gseht ond den am WE drüf send no CH Meisteschafte fo d CH Sportross

---

Geschrieben von Eveline am 02.09.2007 um 11:50:

 

Avenches gängi eventuell au, wäri eifach en Tagesusflug...allei so lang Zugfahrä isch langwilig >.<

---

Geschrieben von .jinx am 02.09.2007 um 12:05:

 

naja, wenns sii müssti, würdi au mitchoo xD
huiia, ich sött glaub schoafange fürs Zugbillet sparä ^^

für Winti chönnti vilicht na es paar zämätrummlä ^^

---

Geschrieben von YellowMonster am 02.09.2007 um 12:08:

 

Jo Avenches esch ned wörkli guets erreiche. Ab Bärn öppe 1 Stond ond den no 30 Minute zfuess, ab Zöri öppe 3 stond em ganze esch scho chli happig.

---

Geschrieben von .jinx am 02.09.2007 um 12:21:

 

hm.
das Wuchenänd wär no in Hüntwangä was, aso hüt, aber ich glaub, das wär zuuuu churzfrischtig ^^

---

Geschrieben von Luthien am 02.09.2007 um 13:47:

 

wi wär de übernächschts wuchenänd? müest ja o nid unbedingt igend äs rösslirennä oder so öis si... Aber ja, weiss nid, ob das drzue kört, wiumr ja hiä imnä rössliforum si u so

---

Geschrieben von .jinx am 02.09.2007 um 14:06:

 

nö - musses nöd.
was würsch denn susch vorschla?

---

Geschrieben von Luthien am 02.09.2007 um 18:44:

 

Boa kei Ahnig... öpis billigs

Was macht mä so, wemä Lüt trifft?

---

Geschrieben von YellowMonster am 02.09.2007 um 19:24:

 

Eis go zieh