Schweizertreffen im NPZ Bern

Zitat:

Original von Nina Jaa, e werde döte omestoo ^^ vellecht hani mini 'oltnerin' jagge a - denne erkennet der mi sowieso ;D

wasch denn e oltnerin jagge? ajaj.. klein desi wörd dich ned erkänne ^^

Edit: ajoo.. wie gross send er ungefär..will ned weder die chliinst sii

also, ha grad gseh, dasi omstige mues, wenni öber olte fahre( wörde de also au zom 11i cho )
weni öber langnau wörd fahre, denn ned.
wenni ober olte fahre, zahli 34.- ond weni öber langnau fahre de zahli 30.-

xDD

be öppe 1.62 ond du?

Zitat:

Original von Pöni also, ha grad gseh, dasi omstige mues, wenni öber olte fahre( wörde de also au zom 11i cho ) weni öber langnau wörd fahre, denn ned. wenni ober olte fahre, zahli 34.- ond weni öber langnau fahre de zahli 30.- xDD be öppe 1.62 ond du?

ond wo fahrsch jetzt dore? Chasch ois doch ned im Stech lo (;

Hmm.. chont drufa. letschjohr beni 1.60 gsii, das JOhr 1.59 :p also esch no offe öb ich no meh schrompfe, oder bes morn nochli wachse :p

Fahrt de Zug am 8.47?
Ich chömti nämli am 48 ah....
ussert ich stieg eimal um de bini 33 dete

Zitat:

Original von cando Zitat: Original von Nina Jaa, e werde döte omestoo ^^ vellecht hani mini 'oltnerin' jagge a - denne erkennet der mi sowieso ;D wasch denn e oltnerin jagge? ajaj.. klein desi wörd dich ned erkänne ^^ Edit: ajoo.. wie gross send er ungefär..will ned weder die chliinst sii

Ha sone jagge wo 'OLTNERIN' droffe stot ;D

Ausoo, wenn dr zog am 9:26 abfahrt chomi öppe uf die zwänzg ab a bahnhof. da längt guet ^^

Zitat:

Original von *emely* Fahrt de Zug am 8.47? Ich chömti nämli am 48 ah.... ussert ich stieg eimal um de bini 33 dete

jo so viel wie stoht 8.47. nem lieber de 33. ich muess mol luege wenn ich ab fahre.. am morge isch immer so chalt.. das gruuset mi denn emmer uufzstoh (;

ok+grummelz+
D Cam ne dvergesse+freu+
Da wird sicher mega glatt^^
Vilicht wird eusi vermuetig ja doch no wahr+lach+

Ha übrigends geschter em beda d föteli brocht. mal luege was hüt säged^^

ig bi 100% di chliinst

viellech würs biuiger cho wenn dir e tagescharte würet nä...

gugus^^

nei, ech fahre öber Olte, die 4.- röied mi ned werklech xD
wenn fahrt de zog ab olte? de chani luege wele zog ech vo LU uf olte nehm...

hm, nei, weni es retour nähmt chiems mer emmer no belliger...tagescharte wär 56.-
woni vorletschjohr em auguscht es NPZ be, de hani am Bahnhofschalter es Billet chönne löse ond ha no 60 Rappe drufzahlt, de Hani Tram scho inbegreffe gha (frogid mol bem schalter, die wos au betrefft xD)

jee, isch ja scho morn!!!

auso mi Zug chunt am 9:58 a

@kamikaze redsch du o vo däm?

edit: no öpis: nämet dir öpi mi zum ässä?

Nöö, e neme nüt met. Ha kei ziit gha öpis go z chaufe...

jo, das isch dä Zug Cidi ^^ dä isch 9:27 in Thurne winksch de usem Fänschter ^^
hesch mis SMS becho?

öhm i nime äuä öppis z Trinke mit wüu das immer Soutüür isch dert, aber nüt z ässe ...
und fraget nech de nid ab mire Kamera <.< cha leider nid ä Canon EOS biete +sfz+ nume so ä blödi Minolta -.-

wieso nid? aber d julie cha ja d canon mit näh!
ich nime äuä punsch oder so mit! öpis warms! wird äuä huere chaut! ig fröie mi scho henä!

lg sara

ps: d cidi isch vor em fernseh!

a allli wo in olte uf de zog istiged:
wenn fahrt üche zufg uf welem gleis?

ich ha de öberbleck nömm xD *sry*

dr zog got am 9.26 vorussechtlech ufem gleis 11

jojo, wird öppe scho klappe. schüsch heit dir ja mini Handy-Nummere (; i bi uf au fäu am Zäni am Träffpunkt, dir wärdet mi scho finde. so komischi Hip-Hop Hose (und bevor mi öpper killt: nei, i bi KE Hip-Hoper -.- oder wie o immer) und e hellblau-schwarzi schijacke wo mir eigentlich ä tick z gross isch ...
dr räscht... ergit sich de morn (: guet nacht ^^

Zitat:

Original von Nina dr zog got am 9.26 vorussechtlech ufem gleis 11

+höhö+ guet.
Min Zog chond am 09.20 ufem Gleis 9 ah. seli zom zog ufem gleis watschle oder seli zu üch a üche träffponkt cho? (ech ziehe vor, dasi as gleis 11 eher higo, weder a üche träffponkt. be no nie en olte am Bahnhof gsi. ossert er erklärid mer jede schrett wie ech zu "üchem" TP chom )

ig fröie mi so wahnsinnig!
ig weiss geng no nid wär aues chunnt

-daniela(pöni)
-nina
-julie
-ig
-desi
-emely
-kamikaze

ja, ha dis sms becho!

öhm, üse chunt am 9:58 ufem gleis 12A a
auso de gani de mau!

bis morn!!

also, be zwösche 20 ab ond vier vor halbi am gleis 11 en olte