kA was das ist | teil 2 | Gegen Bilderklau

Katinka

scho bald wird y zwänzig, y ha meh erläbt als no mänge anders in drissig johr nit und trotzdem stimmt beides nöt. fühle tuen y mi wie sechzäh oder doch jünger? aber wa sött meh scho mache, s läbe goht wieter zwische dene wälte vo johr. es isch nit so das meh dra schitteret oder demit cha läbe, meh isch gfange innere welt wo kai andere chennt, wome nit cha erkläre und doch isch es so. s isch als ob meh allei und gliechzeitig doch soviele het mit dene me rede chan. y chum chlar mit chline maideli und ihre problemli, cha aber genauso mit de erwachsene rede über gott und d wält, und gleichzitig verstand y d jugend.
es isch als ob de geischt irgendwenn stoh bliebe isch, d wält wieder glofe und s läbe het e sprung durch ziet gmacht. meh wird zwar nit zerisse, merkt aber doch das öbis nit stimmt, oft wünscht meh sich es wäri wieder alles bim alte.

Sprache ist Schweizerdeutsch Augenzwinkern

ich weiss nicht was es ist, und ob es weiter geht...

Sonderzeichen im Threadtitel editiert.

Katinka

na dan werd ich weiter machen smile

auf schweizerdeutsch kann ich wenigstens schreiben, im hochdeutschen krieg ich das in dem stil nit hin (da häng ich immer die wissenschaftlerin raus welche die lehrer so gerne haben Freude

)

-----------

es isch e schöne tag gsi, perfekt für e chline usritt. das isch jo eigendlich kai grossi sach, aber dä isch ebe öbis bsundrigs gsi: es het min erscht usritt numme mit minere fründin werde sölle. sie rittet scho lang, und au oft alleige dusse, aber für mi isch das öbis neus gsi und y ha mi druf gfreut. nit das mir schissdrägg im kopf händ, nai eifach d freiheit gnüsse. mir händ unesri pferd putze, isch ganz schnäll gange d weid isch staub trocke und so händ s kai schlammloch für e dreckschicht gfunde gha. und denn isch es sowiet gsi, no schnäll de helm aziehe und scho simmer losgritte. mir händs luschtig gha, de ganzi usritt numme im schritt, demit er jo nit schnäll verbi isch! und bin kirschbäumli kurz vor dehaime hämmer jo ahalte müesse, das isch eifach es muss. d rössli händ s grass gnosse, und mir frischi krische vom
baum. plötzlich lieg y am bode, y weiss nöt was passiert isch, s gsicht vo minere fründin isch sau bleich, y merk plötzlich de kirsch baum isch e paar meter wieter weg. mis rössli isch nümme do und irgendwie... aua? d fründin frogt ob alles in ordnig isch, y säg eifach mol jo, will isch es doch au oder nit. weiss zwar nit wieso y ufm bode lieg aber das wird jo au nit wieder schlimm sie, jede ghait mol abe. han y halt nit mit becho was passiert isch, wär merkt sich das den au scho? y stand uf, alles isch no drah. d hose isch jo au no ganz! glatti sach nüt isch zerisse, au de helm isch no ganz. d fründin verzellt das usm baum plötzlich e krähie ufgschrocke isch, und mis rössli wohl gfunde het deheime isch es sicherer und y sigi eifach obe bliebe und plötzlich abe gheit, sie chönni es sich nit erkläre und frogt wieso y plötzlich abgeheit bin. y cha ihre nit antworte, säge eifach numme weiss au nöt. mir laufe los, richtig hof, isch jo numme paar hunder meter. viellicht 10 schritt spöter gsehmer es auti cho, d hofbesitzerin chummt. sie het jo nit wüsse chönne das mir scho so nöch sind. y wird zrugg gfahre und krieg es glace für d nerve. als d fründin au zurugg isch kriegt au sie eis, und mir münd verzelle was passiert isch. y säg was y vo ihre weiss, säg aber nöt dass y mi nit erinner cha, wieso au isch jo nüt wieter passiert.
am obe sitz y den nommol ufs rössli druf, muess meh jo suscht isch es numme no schwieirger wieder druf z hocke. s goht guet, sie spinnt no echli aber es isch kai problem. nach zwei rundene stieg y wieder ab, bi zmüde defür. am nächste tag ritte mir ufm plätzli, es isch uns immerno unheimlich das s rössli dure gange isch, die macht doch suscht nie e wank mehr als nötig! d ferie vergönd und y vergiss d ganzi sach, alli vergässe de unfall, s isch jo nüt passiert.